Hér eru myndir af Elínborgu og Danna boy

Þau komu hér vel skreytt eftir vorhátíð í leikskólanum

              

 

 

 

 

 

 

 

 

 

Matareitranir

geta verið skæðar... ég kannast aðeins við það

Ferðamaður lést af völdum matareitrunar

Útvarpið og ég

Mér varð hálfbylt við þegar bjallan í kertagerðinni glumdi um 10 leitið í morgun, en ég var enn á sloppnum og hálf þreytt eftir ferðina um helgina. Úti stóð kona með míkrófón, já hugsaði ég hver er að gera grín í mér. En konan hélt áfram að munda fóninn og spurði hvort hún mætti taka viðtal við mig? aha, nú var grínið ekki farið að vera fyndið, ég er nú ekki mikið fyrir að tjá mig í svona tæki en ég glotti við því ég var viss um að þetta væri grín, hún nálgaðist mig og ég sá þegar nær dró að fóninn var merktur RÚV, ég hélt nú samt áfram að glotta og spurði hvort henni væri sama að ég væri á sloppnum, ég beið eftir að einhver stökkva fram og segja "Náði þér" Konan brosti fallega til mín og sagðist ekki vera með myndavél. Hmm þetta var þá útvarpið í raun og veru, jú konan kynnti sig og hún sagðist vera taka upp þáttinn Á flækingi og séð skiltið hér fyrir utan og svo hefði ilmurinn tælt hana lengra. Svo þarna stóð ég inni í kertagerð með útvarpskonu á sloppnum og reyndi að koma út úr mér svona sitt og hvoru um kertagerðina, þakkaði fyrir að ekki sást þegar ég var að reyna að koma þessu frá mér, ég roðnaði og blánaði heyrði ekki spurningar enda slökkti hún á fóninum og sagði mér að þetta yrði klippt saman. Ég fann að mér létti og það ekki neinum smá. Ég slakaði því á og gat farið að tala að viti fannst mér Svo er bara að heyra hvað þið segið hlustendur góðir við þessu babli mínu.

Hér er svo slóð á upptökuna hjá þeim Flækingsfólki

Þorsteinslundur

Við gátum ekki yfirgefið Fljótshliðina nema skreppa inn í lundinn. Hér eru myndir þaðan, Kolli Siggi fílaði það í botn að fara upp að fossinum, ég komst þetta með diggri aðstoð Steina. Það er hálf skrítið að þurfa aðstoð við að komast á milli staða þar sem maður hljóp hér áður fyrr.

Langbrók í Fljótshlíð

Það kom að því að við fórum á stað á Viðhaldinu. Við vildum komast í sól, þó nóg væri af henni hér heima þá ákváðum við að nú skildi Viðhaldið brúkað.

Svo það var tekin stefna austur fyrir Selfoss á föstudegi.  Á Hvolsvelli var stopað og fenginn sér biti, og þar var margt um manninn enda Útivist að fara Laugarveginn. En við vorum ekki svona alvöru túristar heldur ætluð bara í afslöppun svo við drifum okkur á stað upp í Fljótshlíð. Hlíðin er fögur og alltaf jafn skemmtilegt að keyra um hana. Steini minn hafði víst aldrei komið þangað svo þetta var ennþá skemmtilegra. Nú við komum að kveldi á tjaldstæðið og komum okkur fyrir. Það var stillt veður og við sátum úti fram að miðnætti og þá fórum við að tygja okkur inn í svefn.

Um morguninn vakti Ýmir mig og vildi komast út en þá var kl. aðeins 6 svo ég drattaðist á fætur og fór með hann út, en þá var veðrið svo gott að ég bara gat ekki hugsað mér að fara inn aftur og við Ýmir fórum í göngutúr saman, honum fannst ég samt fara hægt yfir en lét sig hafa það. Ég smellti af nokkrum myndum í veðurblíðunni. Það er svo falleg birtan á morgnana að ég gat bara ekki sleppt tækifærinu.

Svo komum við Ýmir til baka úr labbitúrnum og þá var ungt par í næsta tjaldi að sinna barninu sínu og þau komu og spjölluðu við mig, við það rumskaði Steini því það voru einhverjar hlátursgusur sem hann heyrði og leit á klukkuna og sá að það var tími til kominn að koma sér út í sólina, en vitið menn hann leit svona skakkt á úrið og staðin fyrir að kl. væri 9.30 var hún aðeins 7.30 hmm, já þessi úr geta komið manni í koll. Svo nú upphófst langur dagur hjá honum Steina mínum sem ætlaði að sofa út þennan morgun.

 Hann náði smá lúr eftir að út var komið, enda veðrið til þess að sofa bara úti undir berum himni. Eins og sést þá er minn kappklæddur að vanda þegar sólin skín, hann er nefnilega þeim kostum gæddur að bæta á sig fæðingablettum ef hann er mikið í sólskini, og til að varna því að þurfa að fara í fláningu þá er þetta ráðið  Svo þetta kemur víst kulda ekkert við þótt margir haldi það, enda er ekki kalt á Suðurlandi svo þið norðlendingar hafið það á hreinu

Ýmir var  alsæll að komast í svona sveitablíðu og naut þess út í ystu æsar að liggja og láta sólina baka sig. Svo var þarna fullt af öðrum hundum en þeir nálguðust hann með varúð enda er hann ekkert smár. En hann saknað að hafa ekki hana Snotru sína til að leika við, en hún var önnum kafin í Úthlið á ættarmóti.

Svo fengum við heimsókn á laugardeginum og þar kom vinkona okkar með stelpuna sína og við grilluðum saman um kvöldið, þetta var frábært að fá hana í heimsókn. Steini segir að við séum sisters in crime, enda náum við vel saman og hann á sér ekki uppreisnar von þegar við erum saman. En allt er það á léttu nótunum enda erum við svo blíðar ég og Fríða

Tjaldsvæðið á Langbrók er mjög gott og vel hugsað um svæðið, frábært að koma inn á litla kaffihúsið og geta fengið gott kaffi. Svo skemmir ekki fyrir að gestgjafarnir syngja fyrir gesti og gangandi.

Við keyptum plötuna þeirra og hún var sett í geislaspilarann á leiðinni heim.

 

 

 

 

Sumar á Selfossi

Það er náttúrlega alltaf blíða á Fossheiðinni hjá okkur en við fórum samt á sýninguna sem var í Íþróttahúsinu á Selfossi. Við sýndum kertin okkar þar og tóku stelpurnar mínar sig vel út við að selja kertin mín.

Hér eru Jóhanna og Kolbrún við borðið sem við höfðum til afnota.

Næsta mynd er af systrunum Vigdísi og Jóhönnu frekar orðnar framlágar á sunnudagskvöldið.

Þær eru glæsilegar þessar dætur mínar þó ég segi sjálf frá, og eru mér stoð og stytta í þessum slag sem kertagerðin er.

 

 

Ætlaði að setja inn mynd af mér við borðið en að sjálfsögðu sleppi ég því ekki vil ég skyggja á dæturnar

 

Skottan mín og Víðir

voru að setja upp hringana á afmælisdaginn hennar 05.06. Ég er stolt af þeim og þau eru flott par.

Já já

Við sem búum hér erum ekki mikið að velta þessu fyrir okkur held ég, fólk er farið að tala í hálfkæringi enda kannski ekki skrítið, eftir fyrri hamfarir. Ef við hefðum stanslausar áhyggjur þá værum við í vondum málum. Lífið hér er á réttri leið, það er gott að búa á Suðurlandi.

Skjálftavirni að aukast á ný

Það var skjálfti

Jæja lífið er farið að taka á sig mynd á ný og við farin að sinna okkar daglegu störfum. Við sluppum vel út úr þessum skjálfta og tínum dótið í kassa sem hafði brotnað og setum út í bílskúr til seinni tíma að gera skýrslur og þess háttar.

Upplifelsið af þessum skjálfta var að nú væri eitthvað verulega að sjóninni því ég sá Steina í mörgum myndum, en svo vildi eldhúsiðborðið ekki stoppa, ég sem var að sauma þessa líka ferlíkssvuntu undir húsbílinn svo við hefðum meira skjól, (reyndar laga hana, er flottara að segjast hafa saumað hana) Svo horfðum við á hluti í kringum okkur hrynja og halló, var ekki svona skjálfti fyrir 8 árum, þá hélt ég og margir aðrir að við hefðum fengið skammtin okkar hér sunnan heiða. Okey ég bjóst við að nú fengi ég allt nýtt í eldhúsið, nei herra Ikea hefur sko hannað eldhúsinnréttingarnar hér á Fossheiðinni skjálfta heldar, það opnuðust 2 skúffur af allri þessari eldhúsinnréttingu, svo vonbrigðin lýstu af andliti húsmóðurinnar þegar hún tékkaði í skápana og sá að allt var heilt. Engir nýir diskar á þennan bæ. 

Við vorum rosalega heppin, peyinn var í Þórsmörk í skólaferðalagi, og við höfðum áhyggjur af honum þegar hann kom heim var hann spurður varfærnislega hvort hann hefði verið hræddur um okkur, Ykkur nei þið bjargið ykkur alltaf, takk fyrir það fór sko ekki fyrir væmninni hjá honum, Dóttlan var á Reykjalundi og það komu álíka skilaboð frá henni, "Alltaf á skjálftavaktinni" jájá maður veit þá hvar maður hefur þessar elskur, en það er líka gott að þau séu ekki að hafa áhyggjur af okkur gamla setinu og geta lifað lífinu nokkuð áhyggjlaus.

Ég fór í einhvern annan heim eftir skjálftann og fór að þurrka af tómum hillunum og gerði allt öfugt við það sem einhverstaðar stendur í einhverjum leiðbeiningum. Enda horfði skottan mín á mig eins og ég væri orðin stórskrítinn, sem sagt verri en vanalega.

Núna er úr okkur mesti skjálftinn og við erum komin i daglega rútínu nema hvað við fengum einhverja magapest rétt eftir skjálfta og gengur illa að losna við hana.

Eigið góða helgi og njótið að vera til.

Nú ætla ég að biðja ykkur bónar

þá sem hafa keypt kerti af mér en eru ekki á póstlistanum mínum að taka þátt í könnun um kertin og vefsíðuna mína. Með fyrir fram þökk, Helga