Af sírenum og fleiru

Hér á Selfossi er eins og í bíómyndunum endalausar sírennur í gangi og eftir þessi tvö dauðaslys er hjartað farið á stað í hvert skipti sem við heyrum þessi hljóð. Það að vita af sínum á ferðinni hér er orðið hálfgerð pína því við vitum aldrei hvenær slysin gerast.  En við höldum í vonina að nú fari eitthvað að gerast í þessari tvöföldun, það virðist vera að það þurfi mjög svo mikið að ganga á til að yfirvöld opni augun og geri eitthvað. Og vonandi fer hækkandi bensín og olíuskattur að skila sér í vegina eingöngu eins og hann á að fara.

Annað mál ég fór suður í Sandgerði á laugardaginn og var að hjálpa henni systur minni að gera klára fermingaveislu sem hún hélt heima hjá sér, ég var að sjálfsögðu með einkadriver og það var elsta stelpan mín hún Vigdís( sem er sko betri en enginn þegar kemur að veislum). Og keyra þessa tvo vegi Reykjanesbrautina og Suðurlandsveginn, skal ég segja ykkur er sko enginn óskastaða, ég var hreinlega að spá í að hvort við gætum ekki tafsað okkur í gegnum Suðurstrandaveginn, en það tekur svodan óratíma vegna þess hversu lélegur hann er. En mikið vildi ég að sá vegur væri kominn í gagnið fyrir okkur sem þurfum að fara suðreftir og fyrir flutningabílana sem eru að þvæla á þessari leið Suðurnes - Suðurland.

Athugasemdir

[Jónína Dúadóttir, 15.4.2008 kl. 11:24]

Ég skil þessa líðan við sírenuhljóðið..... Vonandi verður drifið í að laga þetta sem fyrst.

[Hulda (IP-tala skráð) 17.4.2008 kl. 00:45]

sérð hvernig þetta er með tvöföldunina á reykjanesbrautinni, bara meiri hraði í staðinn... ætli það yrði ekki bara líka þannig ef það er tvöfaldað á suðurlandsveginum líka.

[Helga Auðunsdóttir, 17.4.2008 kl. 15:25]

já Hulda kannski eykst hraðinn annars er hann svo harður hér á Selfossi að ég held að það gerist ekki nema þá í fyrstu, en að koma í veg fyrir að bílar keyri hvor fram á annan það er mikill lausn ef það eru tvískiptar akreinar með góðu bili á milli svo þetta geti ekki gerst.