Hér er alltaf allt á fullu

 já þessa dagana fer lítið fyrir því að ég liggi yfir tölvunni mér til afþreyingar.  Nú er farið að færast fjör í leikanna og kertin mín renna út eins og heitt vax . Ég er búin að hertaka bóndann í þennan bransa minn. Ég er ekki alveg búin að jafna mig, en ég styrkist óðum við að skokka með mótin á milli herbergja. Svo þarf að brjóta stóra vaxklumpa til að koma þeim í pottanna, svo ég styrkist líka í höndunum kannski eru ekki allir jafn ánægðir með það . Já lífið er skemmtilegt þrátt fyrir að ég þurfi að bíta á jaxlinn til að geta haldið áfram, en þetta að geta unnið gerir það að verkum að ég set ekki verkina mikið fyrir mig. Enda held ég að þeir sem hafa lent í einhverju svipuðu og ég njóta þess bara að vera með sínum nánust og njóta lífsins í botn.

Ég er með galleryið opið alla daga vikunar frá 14 til 22 og því tilvalið að renna hingað í sunnudagsbíltúr og kíkja á okkur hjónakornin.

Ég er með meira en bara kerti í galleryinu og þar á meðal eru þurrkaðar jurtir sem eru með kanill ilm sem er bara dýrlegur.  Svo er ég með handgerða glerbakka undir kertin sem hægt er að nota undir fleira en kerti, þannig að það er margt að skoða. 

Á síðunni minni www.tofraljos.com eru myndbönd fyrir þá sem eru forvitnir um sjúkdóminn sem ég fékk fyrir ári.

Þá er best að fara að fylgjast með fréttunum svo ég viti eitthvað hvað er að gerast.

Leiðréttum kjör öryrkja og aldraðra

 Endilega skoðið þennan hlekk:   Leiðréttum kjör öryrkja og aldraðra

Til hamingju

Til hamingju Guðlaug, frábær árangur.

Guðlaug Íslandsmeistari kvenna í skák

Lífið snýst um vax þessa daganna

Ég hef haft lítið þrek í að blogg hvað þá lesa aðra. Lífið mitt núna snýst um að eiga orku til að geta farið í æfingar og búa til kerti. Við mæðgurnar erum saman að þessu þetta haustið og gengur samvinnan vel að vanda. Við höfum löngum verið eins og ein manneskja þegar kemur að vinnu og það er yndislegt að hafa Viggu mína hjá mér því það veitir mér ákveðna öryggiskennd að vera ekki ein úti í skúr. Við tókum okkur til og bárum út smá bækling í eitt hverfi á Selfossi og það hefur skilað sér ágætlega. Svo við ætlum að halda þessu áfram og taka næsta hverfi fyrir um næstu mánaðarmót. Svona svo fólk fái ekki upp í kok á okkur. Ég skellti ilm í bæklinginn og það sko er alveg skothelt, enda angaði forstofan hjá þeim sem fengu bæklinginn af sjávardraumi og margir hafa mætt með hann og beðið um ÞENNAN ilm.

 

 

Ég sjálf er þokkaleg mætti vera betri en hver mætti það ekki. Ekkert lát er á verkjum í fótunum og gerir það mér erfitt fyrir að standa lengi í fæturnar. En það hefur líka sitt að segja á nóttunum þannig að ég sef afskaplega illa, mesta lagi 4 tíma í einu og þá loga þessar elskur. En ég þakka fyrir það hvern dag að geta gengið það var ekkert sjálfgefið miðað við hægan bata hjá mér. Vonandi minnka verkirnir með minnkandi konu, en hún losaði sig við 2 kg á síðasta hálfa mánuðinum svo það eru bara 6 eftir í aðgerðina góðu sem á að bjarga skrokknum á mér, eða réttara sagt hjálpa mér að bjarga því sem bjargað verður  

Áríðandi lesning !

?????You have to read this right now!! ?Its very important!!!

??????Do Not Let Your Kids Play With Flip Phones!!

??????A new study has revealed that flip phones have very serious side

??????effects to the reproductive organs of young children!!

??????Research has proven it can also lead to localized pain and

??????discomfort!

??????Please review the following photo for illustration purposes.

??????I ask that you pass this on so that other parents will take

??????appropriate steps to prevent this.

Töfraljós - kertagerð - Dóttirinn fékk áfall

Mín elskulega dóttir Vigdís fékk nett áfall í morgun þegar hún gekk inn í kertakerðina í morgun, en þar flæddi allt í ópökkuðum kertum, hún sér sko um pökkunardeildina hjá mér.

Svo varð henni litið inn í Southfork en þar eru kertin búin til og þar var annað eins í bígerð af kertum, svo hún lét hendur standa fram úr ermum og pakkaði af miklum móð fram á hádegi þá rak ég hana heim, til að gefa karlinum að borða

Úffff

Míns er lofthrædd, en fyrir utan það, hvað eru eigilega mörg þjónustufyrirtæki í landinu, það er alltaf hægt að byggja meir og meir fyrir þjónustu og verslun, ég er alveg hætt að botna í þessari þróun.

Starfsemi hefst brátt í hæstu byggingu landsins

Jahérna

Já það má víða taka til hendinni, og þetta að þvælast með áfengi úti á götum ætti ekki að sjást í henni litlu Reykjavík. Svo þetta með óþrifin, hafið þið tekið eftir að reykingar á götum úti hafa margfaldast eftir að bannið var set á. Það þarf að koma fyrir stubbahúsum á fleiri stöðum til að koma í veg fyrir sóðaskap sem skapast af því að stubbum er hent í götuna.

Dauðagildrur fundust í miðborginni

Töfraljós - Ilmkertagerð - Kertagerðin komin vel á skrið

Hér eru Frankincense kerti, yfirleitt er þessi ilmur í reykelsum sem notuð eru í katólskum kirkjum.

Þetta er sannkallaður jólailmur.

 

 

 

Hér er svo sjávardraumurinn, sá allra vinsælasti ilmur sem við höfum verið með.

 

En kíkið endilega á síðuna og skoðið vel og vandlega!

www.tofraljos.com

Hver verður mín saga ???

ég fór á Lansann í gær að hitta þá frægu magaskurðameistara. og ég er komin í prógramm hjá þeim stúlkum á Lansanum. þ.e. hitta næringarfræðing og vigtun á tveggja vikna fresti. Nú gengur þetta upp hjá mér er búin að bíða eftir þessu síðan ég veiktist að geta klárað prógrammið sem ég var í þá. Var komin með skurðardag en of seint ég komst ekki lá víst flöt uppá Borgó.

Öll þessi skelfingar umræða sem spannst út af blaðagreininni í gær, var bara til að setja glott á feisið á mér. Ég hef verið að spjalla við fólk sem hefur verið í svipaðri stöðu og ég, farið í þessa aðgerð og þeim líður vel, hamingjan er ekki með í þessum pakka hjá meisturunum, hún er eitthvað sem þú skapar þér sjálfur. Og ég komst í gegnum þetta ár án þess að leggjast á hliðina og segja mig úr samskiptum við menn og mýs. Svo það getur ekki annað en farið upp á við í þessum málum sérstaklega ef ég næ af mér mínum aukakílóum þá get ég kannski bara farið að dansa.. og það er sko ekki slæmt.